verblyf

Die Prokureurshuis maak voorsiening vir selfsorgverblyf vir 8 volwassenes, maar reëlings kan getref word vir gesinne en groepe tot ‘n maksimum van 12 persone.

Gaste word in drie ruim slaapkamers gehuisves.

Die Bismarck von Moltke Louw-kamer het ‘n dubbelbed, ‘n enkelbed en ‘n volledige en-suite badkamer met ondervloerse verhitting.

Die Nicolaas Vlok-kamer het drie enkelbeddens en deel ‘n afsonderlike toilet en badkamer met ‘n bad en stort met ondervloerse verhitting.

Die Jasper Theron-kamer het twee enkelbeddens en deel ‘n afsonderlike toilet en badkamer met bad en stort met ondervloerse verhitting.

Vir gesinne is daar ‘n bababedjie en ekstra matrasse beskikbaar vir jonger kinders wat die kamers met hul ouers deel.

Die Prokureurshuis bied verder die volgende:

• Albei badkamers is pragtig volgens die oorspronklike Victoriaanse styl gerestoureer met ‘n bad en 'n stort. Vir die koue wintermaande in Sutherland het albei badkamers ook ondervloerse verhitting.
• ‘n Ruim oopplan-woonruimte met ‘n kaggel in die kombuis en die eetkamer waar daar knoesig rondom die knetterende vuur gekuier word.
• ‘n Groot kombuis met ‘n AGA-stoof wat deel van die woonruimte vorm en ook oor ‘n mikrogolfoond, elektriese vierplaatstoof, braaipan, broodrooster, yskas en koffie/cappuccino-masjien beskik.
• Volledige kombuistoerusting en eetservies vir 12 persone.
• ‘n Afsonderlike sitkamer met ‘n kaggel.
• Braaigeriewe soos roosters, potjies, braaitange, byl, ensovoorts.
• Hoë-troutoerusting (CD-speler).
• Linneware, wat volledige beddegoed soos lakens, duvets en handdoeke insluit en warmwatersakke vir die wintermaande!
• Stoepe rondom die huis vanwaar die stilte en sterreprag van die Karoo ervaar kan word.

Kliek hier vir meer inligting oor verblyftariewe, etes en spyseniering.